უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინას სურს, ევროკავშირმა ქვეყნის ბლოკში გაწევრიანების კონკრეტული თარიღი დაასახელოს და არ გამორიცხა რომ ეს 2027 წელი იყოს.

„მე მსურს თარიღი. ვითხოვ მას. ნუ დავუშვებთ, რომ შემდეგი ლიდერები ან მომავალი თაობა აღმოჩნდნენ სიტუაციაში, როდესაც რუსეთი შეძლებს 50 წლით დაბლოკოს უკრაინის ევროკავშირში გაწევრიანება“, - განაცხადა ზელენსკიმ Financial Times-თან ინტერვიუში.

მისი თქმით, კონკრეტული ვადების არარსებობა მოსკოვისთვის სასარგებლოა და უკრაინის მომავლისთვის რისკებს ქმნის.