რუსეთის წარმომადგენლებმა დონალდ ტრამპს უთხრეს, რომ ირანს სადაზვერვო ინფორმაციას არ უზიარებენ აშშ-ის სამხედრო ძალებზე. შესაბამისი განცხადება აშშ-ის პრეზიდენტის სპეციალურმა წარმომადგენელმა, სტივ უიტკოფმა გააკეთა.

“გუშინ, პრეზიდენტთან სატელეფონო საუბრის დროს რუსებმა თქვეს, რომ არ აზიარებენ [სადაზვერვო ინფორმაციას]. ეს თქვეს. ასე რომ, შეგვიძლია დავუჯეროთ. მაგრამ ეს მათ თქვეს”, - განაცხადა მან.

ასევე, სტივ უიტკოფის თქმით, საუბარი ჰქონდათ მას და ჯარედ კუშნერს რუსეთის პრეზიდენტის მრჩეველთან, რომელმაც იგივე გაიმეორა.

გუშინ დილით, ცალ-ცალკე, ჯარედსა [კუშნერს] და მე სატელეფონო საუბარი გვქონდა უშაკოვთან [რუსეთის პრეზიდენტის მრჩეველთან], რომელმაც იგივე გაიმეორა… იმედი ვიქონიოთ, რომ არ უზიარებენ”, - განაცხადა უიტკოფმა.

ცნობისთვის, აქამდე CNN-მა ინფორმირებულ წყაროებზე დაყრდნობით ინფორმაცია გაავრცელა, რომ რუსეთი ირანს სადაზვერვო ინფორმაციას უზიარებს ამერიკელი სამხედროების, გემებისა და თვითმფრინავების ადგილმდებარეობასა და გადაადგილებაზე.