ბათუმში ტაქსის მძღოლები საპროტესტო აქციას მართავენ. როგორც შეკრებილები აცხადებენ, ისინი სხვადასხვა კომპანიაში არიან დასაქმებული. როგორც აქციის მონაწილეები აცხადებენ, საწვავის ფასის ზრდის მიუხედავად მომსახურების ტარიფი არ შეცვლილა და შემოსავლის გარეშე რჩებიან.

მათი მთავარი მოთხოვნაა, კომპანიებისგან განმარტებები გაკეთდეს და მომსახურების ტარიფი დადგინდეს.

„ტაქსით მომსახურების ტარიფი უნდა დადგინდეს. გვეუბნებიან, რომ ჯერჯერობით არაფერი იცვლება. ერთად უნდა დავდგეთ, რადგან ამ პირობებში მუშაობას ვერ გავაგრძელებთ.

კომპანიებს განცხადებით მივმართავთ, თუმცა პასუხი არ გვაქვს. საწვავის ტარიფები გაიზარდა, ავტომობილები სესხით გვაქვს ნაყიდი. კომპანიებს 30 პროცენტს ვუხდით. რა თქმა უნდა, მომხმარებელი არ გვინდა დაზარალდეს“, - აცხადებენ შეკრებილები.