ჩინეთის საგარეო საქმეთა სამინისტროს განცხადებით, აშშ-ის ძალების მიერ ირანის დროშის ქვეშ მცურავი გემის, Touska-ს, იძულებითი შეჩერების გამო შეშფოთებულები არიან.

„გამოვთქვამთ შეშფოთებას ამერიკული მხარის მიერ შესაბამისი გემის ძალის გამოყენებით შეჩერების გამო“, - განაცხადა საგარეო საქმეთა სამინისტროს პრესსპიკერმა გუო ჯიაკუნმა ჟურნალისტებთან საუბარში.

აშშ-ის ცენტრალური სარდლობის ინფორმაციით, ირანის ბანდარ აბასის პორტისკენ მიმავალ სატვირთო გემს ცეცხლი გაუხსნეს, შედეგადაც მისი ძრავები გაითიშა.

ირანულმა მხარემ განაცხადა, რომ გემი ჩინეთიდან მოდიოდა და რომ შეერთებული შტატების ქმედებები შეიარაღებულ მეკობრეობას წარმოადგენდა.