დიუშენის კუნთოვანი დისტროფიით დაავადებული ბავშვების მშობლები ღამეს მთავრობის ადმინისტრაციასთან გაათენებენ. ამის შესახებ მშობლებმა აქციაზე განაცხადეს.

მას შემდეგ, რაც პოლიციამ მთავრობის ადმინისტრაციის წინ კარვების გაშლის უფლება არ მისცა, აქციის მონაწილე მშობლებმა ადგილზე „პუფები „მიიტანეს. სამართალდამცველებმა ეზოს ტერიტორიაზე არც პუფები შეატანინეს, რასაც ხმაური და სიტყვიერი დაპირისპირება მოჰყვა.

როგორც მშობლები აცხადებენ, ისინი ამის მიუხედავად ტერიტორიაზე გაათენებენ და საზოგადოებას მოუწოდებენ, გამოვიდნენ და შეუერთდნენ მშობლების პროტესტს.