რეალური დაკავშირებადობის დღის წესრიგზე საქართველოს გარეშე საუბარი შეუძლებელია, - ამის შესახებ გაფართოების საკითხებში ევროკომისარმა, მარტა კოსმა ევროპარლამენტის საგარეო საქმეთა კომიტეტში მიმდინარე შეხვედრაზე განაცხადა.

მარტა კოსმა შუა დერეფნის მნიშვნელობის შესახებ დასმულ შეკითხვას უპასუხა.

„ჩემი სამუშაოს დიდი ნაწილი დაკავშირებადობის დღის წესრიგს უკავშირდება. ეს ევროპის ცენტრალურ აზიასთან დაკავშირებას ნიშნავს. ჩრდილოეთში სავაჭრო გზა აღარ არის, ასევე, სამხრეთში ირანში ომის გამო, ამიტომ, საუკეთესო გზა შუა დერეფანია. ჩვენ ჩართული ვართ და ვსაუბრობთ აზერბაიჯანთან და თურქეთთან. ჩვენ სომხეთსა და საქართველოს შორის ელექტრომომარაგების სისტემის ქსელი დავაფინანსეთ. რეალური დაკავშირებადობის დღის წესრიგზე საქართველოს გარეშე საუბარი შეუძლებელია და ამას მოიცავდა პროექტი, რომელიც სომხეთს საშუალებას აძლევს, რომ საკმარისი ელექტროენერგია საქართველოდან მიიღოს. ასე რომ, როდესაც სომხეთს ვესაუბრებით, ჩვენ საქართველოსაც ვითვალისწინებთ, მაგრამ საქართველოს ჩართვა მხოლოდ იმ დონეზე შეგვიძლია, როგორადაც ისინი სხვა სფეროებში ჩართვის სურვილს თავად გამოხატავენ“, - განაცხადა კოსმა.