ირანში ომი ისტორიაში უდიდეს ენერგეტიკულ კრიზისს ქმნის, - ამის შესახებ საერთაშორისო ენერგეტიკის სააგენტოს (IEA) აღმასრულებელმა დირექტორმა, ფათიჰ ბიროლმა განაცხადა.

ფათიჰ ბიროლის განცხადებით, აშშ-ისრაელსა და ირანს შორის ომი მძიმე ენერგეტიკულ კრიზისს იწვევს.

„ნამდვილად, ეს ისტორიაში ყველაზე დიდი კრიზისია. ეს უკვე უზარმაზარი კრიზისია, თუ რუსეთთან დაკავშირებულ ბენზინისა და ბუნებრივი აირის კრიზისს გავითვალისწინებთ“, - აღნიშნა ფათიჰ ბიროლმა.

ცნობისთვის, ნავთობის ბაზრებზე სტაბილურობის შენარჩუნების მიზნით გასულ თვეში საერთაშორისო ენერგეტიკის სააგენტოს წევრმა ქვეყნებმა 400 მილიონი ბარელი ნედლი ნავთობის გამოთავისუფლებას დაუჭირეს მხარი.