უნდა დავეხმაროთ საქართველოს, გააგრძელოს გზა, რომელიც მისი მოსახლეობის უმეტესობას სურს, - ამის შესახებ ესპანეთის საგარეო საქმეთა მინისტრმა, ხოსე მანუელ ალბარესმა ევროკავშირის საგარეო საქმეთა მინისტრების შეხვედრამდე ჟურნალისტებს განუცხადა.

„ეს არის გზა ევროპული ოჯახისკენ და რა საკვირველია, ჩვენ დავეხმარებით ქართველ ხალხს ამ გზის გაგრძელებაში, დემოკრატიული, მშვიდობიანი, ევროპული გზით“, - აღნიშნა მინისტრმა.

შეგახსენებთ, დღეს, ევროკავშირის საგარეო საქმეთა მინისტრები, სხვა საკითხებთან ერთად, საქართველოში არსებულ ვითარებასაც განიხილავენ.