დავაგვიანეთ. უკვე დავაგვიანეთ. ერთ წელზე მეტი ხნის წინ ლიეტუვა სანქციების შეთავაზებით გამოვიდა, რომ დაგვეწესებინა მათთვის სანქციები, როგორც ჩვენ ეროვნულ დონეზე გავაკეთეთ და ეს იქნებოდა სწორი ნაბიჯი, - ამის შესახებ ლიეტუვის საგარეო საქმეთა მინისტრმა კიასტუტის ბუდრისმა ლუქსემბურგში, ევროკავშირის საგარეო საქმეთა მინისტრების შეხვედრამდე განაცხადა, როდესაც საქართველოსთან დაკავშირებული სანქციების შესახებ „ევროსკოპის“ შეკითხვას უპასუხა.

მისი თქმით, იმის გამო, რომ ევროკავშირმა სანქციებთან დაკავშირებით ძალიან ნელა იმოქმედა, საქართველოში დემოკრატია კიდევ უფრო უარესდება.

„ახლა, ერთი წლის შემდეგ არსებული სიტუაციის გათვალისწინებით, როდესაც დემოკრატია საქართველოში კიდევ უფრო უარესდება, ეს არის შედეგი. ჩვენ ძალიან დავაგვიანეთ და ძალიან ნელა ვიმოქმედეთ. აი, რა არის შედეგი, ამიტომ ახლა წინსვლა უნდა გავაგრძელოთ“, - აღნიშნა მინისტრმა.