ვოლოდიმირ ზელენსკი აცხადებს, რომ ევროკავშირის მიერ უკრაინისთვის 90 მილიარდი ევროს სესხის დამტკიცების თაობაზე კენჭისყრის შედეგები ხვალ იქნება ცნობილი
ევროკავშირს უკრაინისთვის 90 მილიარდი ევროს სესხის თაობაზე გადაწყვეტილება ჯერ არ მიუღია. ამის შესახებ უკრაინის პრეზიდენტმა, ვოლოდიმირ ზელენსკიმ მედიასთან საუბარში განაცხადა.
მისი თქმით, კენჭისყრის შედეგები ხუთშაბათს, 23 აპრილს, არის მოსალოდნელი.
“დღეს დაიწყო შესაბამისი პროცედურა. რა თქმა უნდა, შედეგებს მხოლოდ ხვალ უნდა ველოდოთ. ხვალ დასრულდება ამ განხილვებისა და გადაწყვეტილებების პროცედურა”, - განაცხადა ზელენსკიმ.
ამავდროულად, უკრაინის პრეზიდენტმა აღნიშნა, რომ ჯერჯერობით კონსტრუქციული საუბრები მიმდინარეობს.
