სლოვაკეთში „დრუჟბას“ ნავთობსადენით ნავთობის მიწოდება განახლდა
სლოვაკეთში „დრუჟბას“ ნავთობსადენის მეშვეობით ნავთობის მიწოდება განახლდა, - ამის შესახებ სლოვაკეთის ეკონომიკის მინისტრმა დენისა საკოვამ განაცხადა.
დენისა საკოვას ცნობით, სლოვაკეთში რუსული ნავთობის მიწოდება ხუთშაბათს, 2:00 საათზე აღდგა.
„ამჟამად ნავთობის მიღება შეთანხმებული გეგმის მიხედვით ხორციელდება“, - განაცხადა სლოვაკეთის ეკონომიკის მინისტრმა.
ცნობისთვის, გუშინ უკრაინამ გამოაცხადა, რომ „დრუჟბას“ ნავთობსადენი აღადგინა და ნავთობის ტრანზიტი განახლდა. მოგვიანებით, უნგრეთმა დაადასტურა, რომ ნავთობსადენის გავლით ნავთობის მიწოდება აღდგა.
