„ლელო - ძლიერი საქართველოს“ ერთ-ერთი ლიდერი ლანა გალდავა „ღია მმართველობის პარტნიორობაში“ საქართველოს წევრობის შეჩერებას გამოეხმაურა და აღნიშნა, რომ ქვეყანა დემოკრატიულ საერთაშორისო ინსტიტუტებს ნელ-ნელა ეთიშება.

მისივე თქმით, ეს გადაწყვეტილება ადასტურებს, რომ საქართველოში ინსტიტუციები არ არსებობენ და ხელისუფლება არ ასრულებს იმ ვალდებულებებს, რაც საერთაშორისო თანამეგობრების წინაშე აქვს აღებული.

„საქართველო ნელ-ნელა ეთიშება დემოკრატიულ საერთაშორისო ინსტიტუტებს, რაც კიდევ ერთხელ ადასტურებს იმას, რომ საქართველოში ინსტიტუციები არ არსებობენ, საქართველოს ხელისუფლება არ ასრულებს იმ ვალდებულებებს, რაც აქვს აღებული საერთაშორისო თანამეგობრების წინაშე. რა თქმა უნდა, ეს ყველაფერი კიდევ ერთხელ აზიანებს საქართველოს ეროვნულ ინტერესებს“, - განაცხადა გალდავამ.

ინფორმაციისთვის, „ღია მმართველობის პარტნიორობამ“ (OGP) საქართველოს წევრობის შეჩერებასთან დაკავშირებით გადაწყვეტილება მიიღო.