ირანის საგარეო საქმეთა მინისტრი პაკისტანში ჩავიდა, - ინფორმაციას France 24-ი ავრცელებს.

ირანის საგარეო საქმეთა მინისტრს, აბას არაღჩის ისლამაბადში პაკისტანის საგარეო საქმეთა მინისტრი, იშაქ დარი დახვდა.

„მოუთმენლად ველი ნაყოფიერ ჩართულობას, რომელიც რეგიონში მშვიდობისა და სტაბილურობის ხელშეწყობისკენ არის მიმართული“, - დაწერა პაკისტანის საგარეო საქმეთა მინისტრმა სოციალურ ქსელში.

თეთრი სახლის პრესსპიკერმა, კეროლაინ ლევიტმა განაცხადა, რომ დღეს პაკისტანში ირანის საგარეო საქმეთა მინისტრთან მოლაპარაკებების მიზნით აშშ-ის პრეზიდენტის წარმომადგენლები ჯარედ კუშნერი და სტივ უიტკოფი გაემგზავრებიან.

თეთრი სახლის განცხადების შემდეგ ირანის საგარეო უწყების პრესსპიკერმა, ესმაილ ბაგაიმ აღნიშნა, რომ აბას არაღჩი ისლამაბადში ვიზიტის ფარგლებში „პაკისტანის მაღალი დონის ოფიციალურ პირებს“ შეხვდება.

„ირანსა და აშშ-ს შორის შეხვედრა დაგეგმილი არ არის“, - აღნიშნა ირანის საგარეო უწყების პრესსპიკერმა.