რუსეთის ქალაქ ეკატერინბურგში საცხოვრებელ შენობას დრონი მოხვდა, არიან დაშავებულები, - ინფორმაციას რუსული მედია ავრცელებს.

რუსეთის სვერდლოვსკის ოლქის გუბერნატორის, დენის პასლერის ინფორმაციით, ქალაქ ეკატერინბურზე დრონებით თავდასხმა განხორციელდა, რის შედეგადაც მრავალსართულიანი საცხოვრებელი შენობა დაზიანდა.

„საბედნიეროდ, მსხვერპლი არ არის. სამედიცინო დახმარება ექვს ადამიანს აღმოუჩინეს“, - განაცხადა სვერდლოვსკის ოლქის გუბერნატორმა.

გუბერნატორის ცნობით, ერთი ადამიანი საავადმყოფოში გადაიყვანეს.