რუსების მიერ დნიპროზე დარტყმის შედეგად, სულ მცირე, 2 ადამიანი დაიღუპა და 21 დაშავდა, - ინფორმაციას უკრაინული მედია ავრცელებს.

უკრაინის გენერალური პროკურატურის ცნობით, დაშავებულებს შორის ერთი ბავშვია.

დაშავებულთაგან 11 ადამიანი საავადმყოფოში გადაიყვანეს, მათგან ერთის მდგომარეობა მძიმეა.

ქალაქში სამძებრო-სამაშველო სამუშაოები გრძელდება.

ასევე, ღამით რუსულმა ძალებმა ოდესის ოლქს დაარტყეს, რის შედეგადაც 2 ადამიანი დაშავდა და საცხოვრებელი შენობები დაზიანდა.

შეგახსენებთ, ღამით რუსეთმა უკრაინის წინააღმდეგ მასშტაბური საჰაერო იერიში განახორციელა. უკრაინის საჰაერო ძალების ცნობით, რუსებმა 666 დრონი და რაკეტა გაუშვეს, მათგან 610 თავდაცვის ძალებმა ჩამოაგდეს.