კიევში რუსების დარტყმის შედეგად დაღუპულთა და დაშავებულთა რაოდენობა გაიზარდა, - ინფორმაციას უკრაინული მედია ავრცელებს.

უკრაინული მედიის ცნობით, რუსული ძალების მიერ უკრაინის დედაქალაქზე განხორციელებული იერიშების შედეგად 2 ადამიანი დაიღუპა და 40 დაშავდა, მათ შორის ერთი თვის ბავშვი.

რუსული ძალების დარტყმების შედეგად დარნიცკის რაიონში საცხოვრებელი შენობის ნაწილი ჩამოინგრა. კიევის მერმა, ვიტალი კლიჩკომ განაცხადა, რომ კორპუსში 18 ბინა განადგურდა.

უკრაინის სახელმწიფო საგანგებო სიტუაციების სამსახურში განაცხადეს, რომ შენობის ნანგრევებიდან 28 ადამიანის გამოყვანა მოახერხეს.