უკრაინის დედაქალაქ კიევში რუსეთის მიერ განხორციელებული დარტყმის შედეგად დაღუპულთა რიცხვი 21-მდე გაიზარდა, - ინფორმაციას უკრაინული მედია სახელმწიფო საგანგებო სიტუაციების სამსახურზე დაყრდნობით ავრცელებს.

მათივე ინფორმაციით, დაღუპულებს შორის სამი ბავშვია.

„14 მაისის ღამეს კიევზე რუსეთის მიერ განხორციელებული დარტყმის შედეგად 21 ადამიანი, მათ შორის სამი ბავშვი, დაიღუპა“, - აცხადებენ უწყებაში.

მაშველები დარნიცკის რაიონში მდებარე სახლში ნანგრევების გაწმენდით სამუშაოებს და ადამიანების ძებნას აგრძელებენ.