რუსებმა ხარკოვს დრონებით შეუტიეს, არიან დაშავებულები
რუსებმა უკრაინის ხარკოვის ოლქის ოსნოვიანსკის რაიონს შეუტიეს, რის შედეგადაც ორი ადამიანი დაშავდა, - ინფორმაციას უკრაინული მედია ავრცელებს.
თავდასხმის შედეგად დაზიანდა ხუთსართულიანი საცხოვრებელი შენობა და მიმდებარე მაღალსართულიანი შენობები, ასევე ერთი ავტომობილი და ხუთი ავტოფარეხი, ორი ავტოფარეხი კი მთლიანად განადგურდა.
გარდა ამისა, რუსებმა დრონებით შეუტიეს ქალაქ ბოჰოდუხივს, რის შედეგადაც 39 წლის ქალი დაშავდა. დრონებით თავდასხმა განხორციელდა ხოლოდნოგორსკის რაიონზეც, რის შედეგადაც სამი კერძო სახლი დაზიანდა.
