უნგრეთის მთავრობა დღეიდან ფილიპინების, საქართველოსა და სომხეთის მოქალაქეებისთვის სამუშაო ვიზების გაცემას წყვეტს, - ინფორმაციას Reuters-ი უნგრეთის მთავრობის პრესსპიკერზე, ვანდა შონდიზე დაყრდნობით ავრცელებს.

მისი განმარტებით, ეს ნაბიჯი უცხოელი მუშახელის შემოდინების რეგულირებისკენ გადადგმული პირველი ნაბიჯია.

პრესსპიკერის თქმით, დღეიდან მთავრობა შეცვლის დადგენილებას, რომელიც კომპანიებს საშუალებას აძლევს, გამარტივებული წესით შემოიყვანონ დასაქმებულები ფილიპინებიდან, საქართველოდან და სომხეთიდან. იმ დასაქმებულებს კი, რომლებიც ქვეყანაში უკვე იმყოფებიან, შეუძლიათ, ვადის გაგრძელებაზე განაცხადი შეიტანონ.

მთავრობა რეფორმებს დაგეგმილი გრძელვადიანი გადაწყვეტის პირველ ნაბიჯად მიიჩნევს.

მანამდე, პრემიერ-მინისტრ პეტერ მადიარის პარტია “ტიზამ“ განაცხადა, რომ ივნისიდან შეწყდება სამუშაო ვიზების გაცემა მოქალაქეებზე, რომლებიც ევროკავშირის არაწევრი ქვეყნებიდან არიან.