მიუხედავად ყველაფრისა, ზოგადად ჯანსაღი პროცესი მიმდინარეობს და მღვრიე წყალი ბოლოს და ბოლოს იწმინდება, - ამის შესახებ მესამე პრეზიდენტი, მიხეილ სააკაშვილი წერს.

მისივე განცხადებით, სხვადასხვა პოლიტიკური აქტორის ინტერესების მიუხედავად, საბოლოოდ გადამწყვეტი მნიშვნელობა იდეას და მის გარშემო გაერთიანებულ ადამიანებს აქვს.

„მიუხედავად ყველაფრისა, ზოგადად ჯანსაღი პროცესი მიმდინარეობს და მღვრიე წყალი ბოლოს და ბოლოს იწმინდება.

ამ ყველაფერში, უნდა გვახსოვდეს მთავარი რამ - ჩვენ გვაქვს დიდი იდეა - მარადიული წარმატებული საქართველოსი, თავისი მნიშვნელოვანი მსოფლიო როლით. ამ იდეისთვის მე ყველაფერი გავიღე.

დანარჩენებს აქვთ ინტერესები. საბოლოოდ იმარჯვებს იდეა და იდეალისტი ხალხი და არა ინტერესები, ფული და კუტოკები“,- წერს სააკაშვილი.