ირანის ისლამური რევოლუციის გუშაგთა კორპუსის განცხადებით, რეგიონში აშშ-ის ბაზებზე თავდასხმა განახორციელეს.

მათი ინფორმაციით, აშშ-ის მიერ გორუკისა და კეშმის კუნძულებზე განხორციელებული დარტყმების საპასუხოდ რეგიონში მდებარე ამერიკულ სამხედრო ბაზებს რაკეტებით შეუტიეს.

ასევე, მათივე თქმით, ცეცხლი გაუხსნეს ოთხ ტანკერს, რომლებიც ჰორმუზის სრუტეში გავლას ნებართვის გარეშე ცდილობდნენ.

ქუვეითის სახელმწიფო მედიის ცნობით, ირანიდან რაკეტების გაშვების ფონზე ქვეყანაში საჰაერო თავდაცვის სისტემები მოქმედებდა.

საჰაერო განგაში გამოცხადდა ბაჰრეინში, სადაც მოსახლეობას თავშესაფრებში გადასვლისკენ მოუწოდეს.