აუცილებლად უზრუნველვყოფთ იმ რუსი და რუსულენოვანი ხალხის უფლებების სრულად აღდგენას, რომელთა წინააღმდეგაც კიევის ნეონაცისტურმა რეჟიმმა ტერორი წამოიწყო, - ამის შესახებ რუსეთის საგარეო საქმეთა მინისტრმა სერგეი ლავროვმა რუსული ენის დღესთან დაკავშირებით განაცხადა.

„ამ საკითხის გადაწყვეტა უკრაინის კონფლიქტის გრძელვადიანი მოგვარების აუცილებელ პირობას წარმოადგენს“, - განაცხადა ლავროვმა.

მისი თქმით, რუსეთისთვის „პრიორიტეტია იმ ადამიანების დაცვა და მხარდაჭერა, ვისთვისაც რუსული მშობლიური ენაა“.

„ენობრივი დისკრიმინაციისა და რუსოფობიის ნებისმიერი გამოვლინებისთვის წინააღმდეგობის გაწევას კვლავ მტკიცედ გავაგრძელებთ, სადაც არ უნდა ხდებოდეს ეს“, - აღნიშნა რუსეთის საგარეო საქმეთა მინისტრმა.