აშშ-ის პრეზიდენტი დონალდ ტრამპი ისრაელზე ირანის მიერ განხორციელებულ სარაკეტო თავდასხმას გამოეხმაურა და განაცხადა, რომ ირანი მოლაპარაკებების მაგიდასთან უნდა დაბრუნდეს.

„ეს ნამდვილად არ შეუწყობს ხელს მოლაპარაკებებს. ძალიან ახლოს ვართ. ვიტყოდი, რომ შეთანხმებას ხელი მომავალი კვირის ორშაბათს, სამშაბათს ან ოთხშაბათს მოეწერება. ახლა კი ეს ხდება. თქვენ რაკეტები გაისროლეთ, საკმარისია. დაბრუნდით მოლაპარაკების მაგიდასთან და გააფორმეთ შეთანხმება“, - განაცხადა ტრამპმა Fox News-თან ინტერვიუში.

ამასთან, აშშ-ის პრეზიდენტმა Axios-თან საუბარში აღნიშნა, რომ ის ისრაელის პრემიერ-მინისტრ ბენიამინ ნეთანიაჰუს დაურეკავს და ეტყვის, რომ ირანზე საპასუხო დარტყმა არ განახორციელოს.

ტრამპმა Fox News-ს ასევე განუცხადა, რომ უკმაყოფილოა კვირას ისრაელის მიერ ბეირუთზე განხორციელებული დარტყმებით.