ლატვიის პრეზიდენტი ედგარს რინკევიჩი სომხეთის პრემიერ-მინისტრ ნიკოლ ფაშინიანს არჩევნებში გამარჯვებას ულოცავს.

„გილოცავთ, პრემიერ-მინისტრო ნიკოლ ფაშინიან, არჩევნებში ბრწყინვალე გამარჯვებას! სომხეთმა, მუქარისა და დაშინების მიუხედავად, საკუთარი დემოკრატიული გზა აირჩია. ლატვია მტკიცედ დგას თქვენს გვერდით და მხარს უჭერს სომხეთსა და ევროკავშირს შორის უფრო მჭიდრო ურთიერთობებს“, - განაცხადა ლატვიის პრეზიდენტმა X-ზე გამოქვეყნებულ პოსტში.

შეგახსენებთ, სომხეთის ცენტრალურმა საარჩევნო კომისიამ 7 ივნისის საპარლამენტო არჩევნებში ხმების დათვლის წინასწარი შედეგები გამოაქვეყნა, რომლის თანახმადაც პრემიერ-მინისტრ ნიკოლ ფაშინიანის პარტიამ - „სამოქალაქო კონტრაქტი“ - ყველაზე მეტი ხმა, ამომრჩეველთა საერთო ხმების 49.81%-ი მიიღო.