„ჰეზბოლას“ მხრიდან ნებისმიერ თავდასხმას ისრაელის მიერ ბეირუთში დარტყმები მოჰყვება, - ამის შესახებ ისრაელის თავდაცვის მინისტრმა, ისრაელ კაცმა განაცხადა.

„ჩრდილოეთის დასახლებებზე ნებისმიერი თავდასხმა დაჰიეში თავდასხმას გამოიწვევს. ისრაელის თავდაცვის ძალები ლიბანში „ჰეზბოლას“ ტერორისტული ორგანიზაციის წინააღმდეგ მოქმედებას გააგრძელებს“, - განაცხადა ისრაელ კაცმა.

მისი თქმით, ისრაელი „კატეგორიულად უარყოფს ირანის მუქარას“.

„ირანის ნებისმიერ მცდელობას, დააკავშიროს ლიბანი და ირანი და თავს დაესხას ისრაელს, ძლიერი პასუხი მოჰყვება, როგორც გუშინ“, - აღნიშნა ისრაელის თავდაცვის მინისტრმა.