აშშ-სა და ისრაელს ბევრი საერთო ინტერესი აქვთ, თუმცა არის სიტუაციები, სადაც ჩვენი ინტერესები განსხვავდება, - ამის შესახებ აშშ-ის ვიცე-პრეზიდენტმა, ჯეი დი ვენსმა Fox News-თან ინტერვიუში განაცხადა.

„ვფიქრობ პრეზიდენტმა ტრამპმა მკაფიოდ განაცხადა, რომ ისრაელს, რა თქმა უნდა, თავისი მიზნები აქვს, ირანში აშშ-ის მთავარი მიზანი კი იმის უზრუნველყოფაა, რომ მან ბირთვული იარაღი არ მოიპოვოს“, - განაცხადა ჯეი დი ვენსმა.

მისი თქმით, აშშ-მა „ბოლო წელიწად-ნახევრის განმავლობაში საჭირო სივრცე შექმნა, რათა ირანთან გრძელვადიან ბირთვულ შეთანხმებას მიაღწიოს“.

„ისრაელს შეიძლება ეს მოეწონოს ან არ მოეწონოს, მაგრამ ჩვენ მიგვაჩნია, რომ ეს აშშ-ის საუკეთესო ინტერესებში შედის“, - აღნიშნა აშშ-ის ვიცე-პრეზიდენტმა.