აშშ-ის პრეზიდენტის დონალდ ტრამპის განცხადებით, იორდანიაში ამერიკელი სამხედრო მოსამსახურეების დაღუპვა „სამწუხაროა“.

„თქვენ ოდესმე გიკითხავთ, რამდენი ადამიანი დაიღუპა ვიეტნამში? ოდესმე გიკითხავთ, რამდენი ადამიანი იღუპებოდა ავღანეთში ყოველ დღე? ეს სამწუხაროა, მაგრამ ამ შემთხვევაში ისინი დაიღუპნენ, რადგან არ სურდათ, ირანს ბირთვული იარაღი ჰქონოდა და არ სურდათ, რომ ახლო აღმოსავლეთი განადგურებულიყო“, - განუცხადა აშშ-ის პრეზიდენტმა New York Post-ს.

შეგახსენებთ, აშშ-ის ცენტრალურმა სარდლობამ (CENTCOM) გამოაცხადა, რომ 17 ივლისს იორდანიაში ორი ამერიკელი სამხედრო მოსამსახურე დაიღუპა, მაშინ როდესაც აშშ-ის ცენტრალური სარდლობა და პარტნიორების ძალები ირანის ბალისტიკური რაკეტებისა და დრონების თავდასხმისგან თავს იცავდნენ. ასევე, ერთი სამხედრო მოსამსახურე უგზო-უკვლოდ დაკარგულად ითვლება.