"ირანის ისლამური რევოლუციის გუშაგთა კორპუსის" განცხადებით, ქუვეითში აშშ-ის სამხედრო ობიექტებს დაარტყეს.

"ირანის ისლამური რევოლუციის გუშაგთა კორპუსის" ძალებმა აშშ-ის დარტყმების საპასუხოდ ქუვეითში სამხედრო ბაზებზე იერიში მიიტანეს.

„ირანის ისლამური რესპუბლიკის არმიამ დრონების გამოყენებით დარტყმები განახორციელა ალ-უდაირის ბანაკში მდებარე აშშ-ის ტერორისტული არმიის საბრძოლო მასალის საცავზე, ასევე ალი ალ-სალემის ბაზაზე განლაგებულ სამხედრო პერსონალზე“, - აცხადებს ირანის ისლამური რევოლუციის გუშაგთა კორპუსი.

თავდასხმა დაადასტურა ქუვეითის შეიარაღებულმა ძალებმაც, რომელმაც მოსახლეობას უსაფრთხოების წესების დაცვისკენ მოუწოდა.

ირანიდან იერიშის ფონზე ქუვეითში საჰაერო განგაშის ხმა ისმოდა.