ესპანეთის ეროვნული ნაკრები 2026 წლის მსოფლიო ჩემპიონია.

მსოფლიო ჩემპიონატის ფინალში "ფურია როხამ" არგენტინა დაამარცხა და ისტორიაში მეორედ მოიპოვა მსოფლიოს ჩემპიონის ტიტული.

კერძოდ, ლუის დე ლა ფუენტეს გუნდმა ლიონელ სკალონის არგენტინა მეორე ექსტრატაიმში ფერან ტორესის გოლით 1:0 დაამარცხა და ოქროს თასი აღმართა.

არგენტინა ზედიზედ მეორე მსოფლიო ჩემპიონობისთვის იბრძოდა, თუმცა ფინალში ესპანეთის წინააღმდეგობა ვერ დაძლია.

მატჩის ძირითადი დროის დასრულებამდე რამდენიმე წუთით ადრე მსაჯმა თამაშის წესის დარღვევისთვის მოედნიდან არგენტინელი ენცო ფერნანდესი გააძევა.

ამერიკის შეერთებულ შტატებში მუნდიალის ფინალს ესწრებოდა პრეზიდენტი, დონალდ ტრამპი, რომელმაც ფიფას პრეზიდენტთან ერთად დაჯილდოების ცერემონიაში მიიღო მონაწილეობა.