რუმინეთის ტერიტორიულ წყლების ფარგლებს გარეთ, რუმინეთის სანაპიროდან დაახლოებით 20 საზღვაო მილის დაშორებით, ლიბერიის დროშის ქვეშ მცურავ პროპანის გადამზიდ ტანკერზე, Gas Lisbon-ზე, თავდასხმა განხორციელდა, - ამის შესახებ რუმინეთის პრეზიდენტი ნიკუშორ დანი სოციალურ ქსელში წერს.

მისი ინფორმაციით, ინციდენტიდან მალევე, ადგილზე გაემგზავრა ზღვაში ადამიანის სიცოცხლის გადარჩენის სააგენტოს ორი გემი და ეკიპაჟის წევრების, მათ შორის სამი დაშავებულის, ევაკუაცია განხორციელა. გარდა ამისა, ტერიტორიაზე გაგზავნილი საბუქსირე გემი უზრუნველყოფს, რომ გემი არ გადაადგილდეს და საფრთხეს ნავიგაციის უსაფრთხოებისთვის საფრთხე არ შექმნას.

„სახელმწიფო ინსტიტუტები მზადყოფნაში არიან და გაარკვევენ ამ სერიოზულ ინციდენტთან დაკავშირებულ გარემოებებს, მიზეზებსა და პასუხისმგებლობას, რომელიც, დიდი ალბათობით, რუსეთის ფედერაციის მიერ უკრაინის წინააღმდეგ წარმოებული უკანონო აგრესიის ნაწილია. გემი ეგვიპტის ქალაქ ალექსანდრიის პორტიდან გავიდა და უკრაინის ქალაქ რენის პორტისკენ მიემართებოდა“, - აცხადებს რუმინეთის პრეზიდენტი.