ლიბანის პრეზიდენტი ჯოზეფ აუნი დღეს ოვალურ კაბინეტში ამერიკის შეერთებული შტატების პრეზიდენტს დონალდ ტრამპს შეხვდება, - ამის შესახებ Axios წერს.

Axios-ის ინფორმაციით, პრეზიდენტების შეხვედრა იმ ფონზე გაიმართება, როდესაც ისრაელის სამხედრო ძალები იწყებენ ლიბანიდან გასვლას აშშ-ის შუამავლობით მიღწეული შეთანხმების ფარგლებში.

ცნობისათვის, ტრამპი და აუნი ერთმანეთს პირისპირ არასდროს შემხვედრიან, თუმცა ბოლო თვეებში მათ ორი სატელეფონო საუბარი ჰქონდათ. ტრამპი ბოლო რამდენიმე თვეა განსაკუთრებით დაინტერესდა ლიბანის საკითხებით და მოუწოდებს ისრაელის პრემიერ-მინისტრ ბენიამინ ნეთანიაჰუს, დაასრულოს ისრაელის სამხედრო ძალების სამხრეთ ლიბანიდან გაყვანა.