იორდანიის სამეფოსკენ გასროლილი 5 ირანული უპილოტო დრონი „ნეიტრალიზებულია“, - ამის შესახებ ინფორმაციას The Times of Israel-ი იორდანიის შეიარაღებული ძალების გენერალური სარდლობის წარმომადგენელზე დაყრდნობით ავრცელებს.

„დრონების ნეიტრალიზება ეფექტიანად და ზუსტად განხორციელდა, ოპერატიული მოთხოვნებისა და დადგენილი თავდაცვითი პროცედურების შესაბამისად. ოპერაციას მსხვერპლი ან მატერიალური ზიანი არ მოჰყოლია,’’ - განაცხადა იორდანიის შეიარაღებული ძალების გენერალური სარდლობის წარმომადგენელმა.

ამერიკის შეერთებულ შტატებთან კონფლიქტის ესკალაციის ფონზე, ბოლო დღეებში იორდანია ირანის სამიზნე რამდენჯერმე გახდა.