ნორვეგიის მიერ რუსული გემის დაკავება ნამდვილი მეკობრეობაა, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.

„უკეთესი სიტყვა იქნებოდა მოიტაცა და არა დააკავა. ახლა ჩვენ საერთო სურათს ვხედავთ იმისა, თუ რაც ხდება. დასავლეთმა მეკობრეობა ლეგალური გახადა. მე ვიტყოდი, რომ მეკობრეობის ფარდა ჩამოიხსნა. მსგავსი რამ ცივი ომის პერიოდშიც არ ყოფილა. დასავლეთმა „ჯეკ ბეღურა“ თანამედროვეობის საკუთარ სიმბოლოდ აქცია“, - განაცხადა ზახაროვამ.

შეგახსენებთ, გუშინ ნორვეგიამ უკრაინის მოთხოვნის შემდეგ რუსული გემი „პროფესორ მოლჩანოვი“ დააკავა. გემი კომერციული საექსპედიციო კრუიზებისთვის გამოიყენება.

უკრაინის სახელმწიფო ენერგეტიკული კომპანია „ნაფტოგაზის“ ცნობით, გემის დაკავება მას შემდეგ მოხდა, რაც ნორვეგიის სასამართლომ გადაწყვეტილება გამოიტანა, რომელიც ოკუპირებულ ყირიმში „ნაფტოგაზის ჯგუფის“ აქტივების უკანონო მიტაცების გამო რუსეთისგან დაახლოებით 4.22 მილიარდი დოლარის ხარჯების ამოღებას ითვალისწინებს.