უკრაინის შეიარაღებული ძალები ყოველთვიურად 8-12 ათას ადამიანს კარგავს, - ამის შესახებ რუსეთის პრეზიდენტმა ვლადიმერ პუტინმა ვლადივოსტოკში, აღმოსავლეთის ეკონომიკურ ფორუმზე განაცხადა.

„მოწინააღმდეგის დანაკარგები ყოველთვიურად იზრდება. დანაკარგების რიცხვი მნიშვნელოვნად აღემატება იმ ადამიანების რაოდენობას, რომლებსაც მობილიზაციის შედეგად ან საავადმყოფოებიდან დაბრუნების შემდეგ იღებენ. ყოველთვიურად დანაკარგი 8-12 ათას ადამიანს შეადგენს“, - განაცხადა პუტინმა.

მისი თქმით, უკრაინაში „დეზერტირების რაოდენობა ძალიან დიდია“.

„მოწინააღმდეგის მზადყოფნის დონე და მოტივაცია ძალიან დაბალია, დეზერტირების რაოდენობა კი ძალიან დიდია. ოფიციალურად, იქ დეზერტირობისთვის 300000-ზე მეტი სისხლის სამართლის საქმეა აღძრული. ვფიქრობ, რეალურად, მათი რაოდენობა, სულ მცირე, ნახევარი მილიონია“, - აღნიშნა პუტინმა.