გერმანიაში, თავდაცვის კომპანიის მახლობლად ხანძრის გაჩენის საქმეზე ორი პირი დააკავეს, - ინფორმაციას Reuters-ი ავრცელებს.

გამოცემის ინფორმაციით, მიუნხენის პოლიცია თავდაცვის კომპანია Rohde & Schwarz-ის მახლობლად მდებარე სამშენებლო ობიექტზე ხანძრის გაჩენის ფაქტს იძიებს.

კომპანია უსაფრთხოების ტექნოლოგიებს, მათ შორის სარადარო სისტემებს აწარმოებს.

ღამით მომხდარ ინციდენტთან დაკავშირებით პოლიციამ ბულგარეთის ორი მოქალაქე, 28 წლის ქალი და 38 წლის მამაკაცი დააკავა.

ოფიციალური პირების ცნობით, ხანძარს მნიშვნელოვანი ზიანი არ გამოუწვევია და ინციდენტის შედეგად არავინ დაშავებულა.