ფინეთის სანაპიროზე რუსული დრონი აღმოაჩინეს. ამის შესახებ ინფორმაციას ფინეთის საზოგადოებრივი მაუწყებელი ოფიციალურ წყაროებზე დაყრდნობით ავრცელებს.

წინასწარი გამოძიებით, პორვოში პელინკის არქიპელაგთან ნაპოვნი დრონი რუსულია.

ოთხშაბათს, 2 სექტემბერს, ფინეთის თავდაცვის სამინისტრომ გამოაცხადა, რომ აღმოჩენილ დრონთან დაკავშირებული გამოძიება შესაძლო ტერიტორიული დარღვევის კუთხით მიმდინარეობს.

ამ მომენტისთვის უცნობია, როგორ აღმოჩნდა რუსული დრონი ფინეთის საზღვართან. შესაძლოა, ის გზას აცდა ან ზრვაში ჩავარდა და შემდეგ ფინეთის სანაპიროზე აღმოჩნდა.

სავარაუდოდ, ის ფოტოგრაფიული დრონია, რომელიც კარტოგრაფიული მიზნებისთვის გამოიყენება.