უკრაინის ეროვნული ანტიკორუფციული ბიუროს განცხადებით, ახორციელებს ოპერაციას კრიმინალური ორგანიზაციის წინააღმდეგ, რომელსაც უკრაინის გენერალური პროკურატურის თანამშრომელი ხელმძღვანელობს, - ინფორმაციას უკრაინული მედია ავრცელებს.

ანტიკორუფციული ბიუროს ცნობით, კრიმინალური ორგანიზაცია ჩართულია თაღლითური ქოლ-ცენტრების ქსელის მფარველობასა და უკანონო აქტივების გათეთრებაში.

წყარომ, რომელიც სამართალდამცავი ორგანოების წარმომადგენელია, Kyiv Independent-ს განუცხადა, რომ ანტიკორუფციულმა ბიურომ დააკავა გენერალური პროკურატურის საერთაშორისო თანამშრომლობის დეპარტამენტის უფროსის მოადგილე სერგეი კროპივა.

„გენერალური პროკურატურის თანამშრომელს, რომლის უკანონო საქმიანობაში შესაძლო მონაწილეობაზე გამოძიება მიმდინარეობს, წინასწარი გამოძიების მთელი პერიოდის განმავლობაში უფლებამოსილება შეუჩერდება“, - ნათქვამია გენერალური პროკურატურის განცხადებაში.

უწყების მტკიცებით, სრულად ითანამშრომლებს ანტიკორუფციულ ორგანოებთან და მიაწვდის მათ ყველა საჭირო ინფორმაციას კანონის შესაბამისად.