აშშ „სამშვიდობო პაკეტის“ შემუშავებაზე მუშაობს. ამის შესახებ აშშ-ის პრეზიდენტის სპეციალურმა წარმომადგენელმა, ჯარედ კუშნერმა განაცხადა, რომელიც სტივ უიტკოფთან ერთად ხელმძღვანელობს ამერიკულ დელეგაციას კიევში.

კუშნერის თქმით, იმედოვნებს, რომ მომავალი მოლაპარაკებები სამმხრივ ფორმატში შედგება უკრაინას, რუსეთს და აშშ-ს შორის.

სტივ უიტკოფმა კი აღნიშნა, რომ კმაყოფილია როგორც მოსკოვში, ასევე კიევში სამშვიდობო მოლაპარაკებებით და დასძინა, რომ აშშ იმედოვნებს, რომ ომთან დაკავშირებით „დიპლომატიურ გადაწყვეტას“ იპოვის და არა „კინეტიკურ გადაწყვეტას“.

როგორც ცნობილია, ამერიკის გუნდმა კიევის გარდა, ასევე, გამართა მოლაპარაკებები რუსეთის პრეზიდენტ ვლადიმერ პუტინთან.