სტივ უიტკოფი და ჯარედ კუშნერი კიევიდან გაემგზავრნენ
აშშ-ის პრეზიდენტ დონალდ ტრამპის სპეციალური წარმომადგენლები, სტივ უიტკოფი და ჯარედ კუშნერი, კიევიდან „უკრზალიზნიცის“ მატარებლით გაემგზავრნენ, - ინფორმაციას უკრაინული მედია „უკრზალიზნიცის“ პრესსამსახურზე დაყრდნობით ავრცელებს.
„სტივ ვიტკოფისა და ჯარედ კუშნერისთვის სპეციალური მატარებელი გაიგზავნა. მადლობა გადავუხადეთ მათ ვიზიტისთვის და ვუსურვებდით მალე დაბრუნებას და მოგზაურობის არეალის გაფართოებას, რათა სხვა ქალაქებსაც ჰქონდეთ მშვიდი შაბათ-კვირა", - აღნიშნულია კომპანიის განცხადებში.
შეგახსენებთ, სტივ უიტკოფი და ჯარედ კუშნერი კიევში უკრაინის პრეზიდენტს, ვოლოდიმირ ზელენსკის შეხვდნენ. მანამდე ისინი მოსკოვში იმყოფებოდნენ და რუსეთის პრეზიდენტს, ვლადიმერ პუტინს შეხვდნენ.
