პრაგმატული AfD-ის („ალტერნატივა გერმანიისთვის”) ისტორიული გამარჯვება, რომელიც მიგრაციას კონტროლს დაუქვემდებარებს, - ასე ეხმაურება რუსეთის პრეზიდენტის სპეციალური წარმომადგენელი ინვესტიციებისა და ეკონომიკური თანამშრომლობის საკითხებში, კირილ დმიტრიევი გერმანიის საქსონია-ანჰალტის მხარეში ჩატარებულ რეგიონულ საპარლამენტო არჩევნებში ულტრამემარჯვენე პარტიის - „ალტერნატივა გერმანიისთვის“ - გამარჯვებას.

მისი მტკიცებით, AfD-ის ისტორიული გამარჯვება ამცირებს გერმანიის მმართველი კოალიციის „ამპარტავნებას, ვიწრო აზროვნებას, ომის წამქეზებლობას, უუნარობასა და თვალთმაქცობას“.

„გერმანელებმა თავისი სიტყვა თქვეს და გერმანიამ გაიღვიძა. დამცირებული მერცი ახლახან გახდა სტარმერი“, - წერს კირილ დმიტრიევი სოციალურ ქსელში.

მისი თქმით, „ალტერნატივა გერმანიისთვის“ „გონიერების, თანამშრომლობის, სიმართლისა და იმედის პარტიაა გერმანიისთვის“.