დღეს, სამთავრობო ცვლილებებთან დაკავშირებით, არანაირი გეგმა და იდეა არ არსებობს - ეს არის ჩვეულებრივი ჭორები, - ამის შესახებ პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა ჟურნალისტებთან განაცხადა.

მისივე თქმით, აღნიშნულ თემასთან დაკავშირებით, „გუნდში არანაირი საუბარი, არანაირი განხილვა და არანაირი გეგმა არ არის“.

„ერთი ინფორმაცია, რაც მაქვს, ისაა, რომ არაფერი იცვლება, არაფერი განიხილება, არაფერი იგეგმება სამთავრობო ცვლილებებთან დაკავშირებით. ეს არის მორიგ ჯერზე გავრცელებული ჭორები. არანაირი პროცესი არ მიმდინარეობას ამასთან დაკავშირებით," - განაცხადა მახაშვილმა.