შვედეთი 729 მილიონი აშშ დოლარის ღირებულების HIMARS-ის სისტემებს შეიძენს, - ამის შესახებ შვედეთის თავდაცვის მინისტრმა, პოლ იონსონმა გამოაცხადა.

პოლ იონსონის ცნობით, შვედეთი ამერიკული კომპანია Lockheed Martin-ისგან დაახლოებით 10 HIMARS-ის რეაქტიულ საარტილერიო სისტემას შეიძენს.

„ეს ჩვენს თავდაცვით შესაძლებლობებს აძლიერებს და შვედეთზე თავდასხმის შესაძლებლობას ართულებს“, - განაცხადა შვედეთის თავდაცვის მინისტრმა.

შვედეთისთვის HIMARS-ის საარტილერიო სისტემების მიწოდება 2027 წლიდან დაიწყება.