ვოლოდიმირ ზელენსკის თვითმფრინავს ლამის დრონმა დაარტყა, როდესაც ნორვეგიაში მოფრინავდა. ამის შესახებ ნორვეგიის პრემიერ-მინისტრმა, იონას გარ სტორემ ნორვეგიის საზოგადოებრივ მაუწყებელთან საუბარში განაცხადა.

“მის თვითმფრინავს ლამის დრონმა დაარტყა, როდესაც ის მოლდოვიდან ფრინდებოდა. ეს არის რეალობა, რომლის წინაშეც ის დგას”, - განაცხადა სტორემ.

ცნობისთვის, უკრაინის პრეზიდენტი, ვოლოდიმირ ზელენსკი 8 სექტემბერს მოლდოვიდან ნორვეგიაში ჩავიდა, რათა მეფე ჰარალდ V-ის დაკრძალვაში მიიღოს მონაწილეობა.

ნორვეგიის საზოგადოებრივი მაუწყებელი აღნიშნავს, რომ ის კონტაქტში იმყოფება პრემიერ-მინისტრის ოფისთან, მაგრამ მათ ამ მომენტისთვის არ შეუძლიათ დამატებითი კომენტარების გაკეთება.

ნორვეგიის ფინანსთა მინისტრმა, იენს სტოლტენბერგმა ასევე აღნიშნა, რომ ის ესწრებოდა მომენტს, როდესაც ზელენსკი მოლდოვიდან მის გაფრენაზე ყვებოდა.

“მან გვითხრა ეს გასულ ღამეს, როდესაც შეხვედრა გვქონდა მასთან. ვერ შევალ ამაზე დეტალებში, მაგრამ მან დააგვიანა, და გარკვეული საფრთხეები იყო მისი თვითმფრინავის წინააღმდეგ. მაგრამ საკმარისი არ ვიცი დეტალებზე, რათა რაიმე მეტი ავხსნა,” - განაცხადა სტოლტენბერგმა.