ემანუელ მაკრონი აცხადებს, რომ შაბათს მხოლოდ პროფკავშირების მიერ ორგანიზებული საპროტესტო აქციები იქნება დაშვებული
საფრანგეთის პრეზიდენტის, ემანუელ მაკრონის განცხადებით, შაბათს მხოლოდ პროფკავშირების მიერ ორგანიზებული საპროტესტო აქციები იქნება დაშვებული.
„პროფკავშირების მიერ ორგანიზებული ლეგიტიმური მანიფესტაციები კანონმდებლობის შესაბამისად განიხილება და მათი დაშვება უსაფრთხოების პირობების გათვალისწინებით მოხდება. ნებისმიერი სხვა პროტესტი, რომელიც პროფკავშირების მიერ არ იქნება ორგანიზებული, აიკრძალება, ყველგან, სადაც ეს შესაძლებელია“, - განაცხადა საფრანგეთის პრეზიდენტმა უსაფრთხოების საბჭოს სხდომის შემდეგ.
ადგილობრივი ხელისუფლების ცნობით, ქალაქ ლიონში 24 ოქტომბერს დაგეგმილი ყველა საპროტესტო აქცია აიკრძალა.
ასევე, მაკრონის თქმით, გასულ შაბათს „ადგილი ჰქონდა ორგანიზებული ულტრამემარცხენე ჯგუფების პოლიტიკურ და ამბოხისკენ მიმართულ ქმედებებს, რომელთა მიზანიც რესპუბლიკის დამხობაა“.
