გორის მუნიციპალიტეტს საკუთარი გერბი, დროშა და ჰიმნი ექნება

გორის მუნიციპალიტეტს უახლოეს მომავალში საკუთარი გერბი, დროშა და ჰიმნი ექნება.

;როგორც “ინტერპრესნიუსს” შიდა ქართლის სამხარეო ადმინისტრაციიდან აცნობეს, საკრებულოს დადგენილებით უკვე შექმნილია 11 კაციანი კომისია, რომელმაც მუნიციპალიტეტის; სიმბოლიკის შესარჩევად კონკურსი უნდა გამოაცხადოს.

სიმბოლიკის შესარჩევად კომისიამ გარკვეული კრიტერიუმები დაადგინა, კერძოდ, საკონკურსო ნამუშევრები შემუშავებული უნდა იყოს გორის ისტორიულ-კულტურული ნიშნების მიხედვით, შესაძლებელია გამოყენებული იქნას სახელმწიფო ისტორიულ-ჰერალდიკური ნიმუშები. ამასთან, მთავარი მოთხოვნაა, ნამუშევრები მაღალმხატვრულ დონეზე იყოს შესრულებული და ვიზუალურად ერთი შეხედვით გორთან ასოცირდებოდეს.

;;;; კონკურსის გამოცხადებიდან 1 თვის ვადაში კომისიის წევრები შეარჩევენ საუკეთესო საკონკურსო ნიმუშებს, რომლებიც საქართველოს პარლამენტთან არსებულ ჰერალდიკის სახელმწიფო საბჭოზე დასამტკიცებლად გაიგზავნება.;

;;;; გამარჯვებული ნამუშევრების ავტორებს; ჰონორარი გადაეცემათ და გორის საპატიო მოქალაქეობა მიენიჭებათ.;;

;;;;;მუნიციპალიტეტისთვის გერბის, დროშის, ჰიმნისა და სხვა სიმბოლიკის შექმნას საქართველოს ორგანული კანონი ითვალისწინებს, რომლის თანახმად,; ადგილობრივი თვითმმართველობის ორგანოებს; სახელმწიფო გერბის გამოყენება ეკრძალებათ. საქართველოში, ევროპის მრავალი ქვეყნისაგან განსხვავებით, ადგილობრივი თვითმმართველობის ორგანოების სიმბოლიკის არსებობის დიდი ტრადიცია არ არის. საკუთარი გერბი მხოლოდ რამდენიმე ქალაქს გააჩნია, მათ შორის, თბილისს, ფოთსა და სიღნაღს.;

;;;;

;

;

;

;