„დიდების მემორიალის“ აფეთქების შედეგად დაშავებული ორი პირი ავტოქარხნის საავადმყოფოში გადაიყვანეს

ქუთაისში „დიდების მემორიალის“; აფეთქების შედეგად დაშავებული ორი პირი ეკა ცუცხვაშვილი და ირაკლი ჯინჭარაძე ავტოქარხნის საავადმყოფოში გადაიყვანეს.

ამის შესახებ „ინტერპრესნიუსს“ ქუთაისის საგანგებო სიტუაციების სამსახურში განუცხადეს.

მათივე ცნობით, არიან სხვა დაშავებულებიც, თუმცა ჯერ დაუზუსტებელია, რომელ საავადმყოფოში გადაიყვანეს ისინი.

ამასთან, საგანგებო სიტუაციების სამსახურში განაცხადეს, რომ ბავშვთა საავადმყოფოში 8 წლის გოგონას გარდაცვალების ფაქტი დაუდასტრეს.; თბილისის საგანგებო სიტუაციების სამსახურის ინფორმაციით კი, ბავშვთან ერთად, გარდაცვლილია მისი დედაც. დაღუპული გოგონა 8 წლის ნინო ჯინჭარაძეა.

ამ დროისთვის არსებული ინფორმაციით, მემორიალის დემონტაჟთან; დაკავშირებულ აფეთქებას „საქფეთქმრეწვი“ აწარმოებდა.

მიმდებარე ტერიტორია ამ დროისთვის გადაკეტილია. შემთხვევის ადგილის სიახლოვეს არ უშვებენ ჟურნალისტებსაც.

მემორიალის აფეთქება მის დემონტაჟს უკავშირდება.

;