ასათიანის სახელობის ფსიქიატრიული საავადმყოფოს ოთხი ექსპერტი ქრთამის აღების ბრალდებით დააკავეს
ასათიანის სახელობის ფსიქიატრიული საავადმყოფოს ოთხი ექსპერტი ქრთამის აღების ბრალდებით დააკავეს . მათ შორის ერთ-ერთია ფსიქიატრ-ექსპერტი გოგი ნანეიშვილი.
აღნიშნული ინფორმაცია "ინტერპრესნიუსს" ადვოკატმა, მამუკა ნოზაძემ დაუდასტურა.
ამასთან, "ინტერპრესნიუსის" ინფორმაციით, ფსიქიატრები ეჭვმიტანილები არიანი ყალბი დასკვნის გაცემის სანაცვლოდ ქრთამის აღებაში. მათ ყალბი დასკვნა გასცეს შპს "ელიზის" დირექტორის, თამაზ ელიზბარაშვილის შვილის, მკვლელობაში მსჯავრდებულ გურამ ელიზბარაშვილის საქმესთან დაკავშირებით. მათ დასკვნაში მიუთითეს, რომ გურამ ელიზბარაშვილი შეურაცხადი იყო.
ქრთამის მიცემის ბრალდებით დაკავებულები არიან ელიზბარაშვილის ოჯახის წევრებიც - პატიმრის მამა თამაზ ელიზბარაშვილი, პატიმრის მეუღლე სალომე ივანიშვილი და მისი მამა. ისინი ე.წ. მოდულის შენობაში არიან გადაყვანილი.
ამასთან, არსებული ინფორმაციით, იმ კომისიის ხელმძღვანელი, რომელმაც ყალბი დასკვნა გასცა, გოგი ნანეიშვილი იყო.
v-if="article.gallery" v-html="article.gallery"
