"კვირის პალიტრის" გამოკითხვით, რესპონდენტთა საყვარელი ქართული მულტფილმია "ჩხიკვთა ქორწილი"

გაზეთ "კვირის პალიტრის" 20-23 სექტემბრის გამოკითხვის თემას – "საყვარელი ქართული მულტფილმი" – 493 რესპონდენტი გამოეხმაურა. კითხვა ასეთი იყო: "რომელი ქართული მულტფილმი გიყვართ ყველაზე მეტად?"

მკითხველს რედაქციის მიერ შეთავაზებული ჩამონათვლის მიხედვით უნდა შეედგინა რეიტინგი, სადაც მაქსიმალური შეფასებაა 8, ხოლო მინიმალური - 1 ქულა.

გამოკითხვის სპეციფიკიდან გამომდინარე, რეიტინგული მაჩვენებელი წარმოადგენს საშუალო ქულას, რომლის მიხედვითაც შედგა რეიტინგი:

1. ჩხიკვთა ქორწილი 7.17

2. წუნა და წრუწუნა 7.11

3. კომბლე 4.96

4. სიზმარა 3.67

5. მგელი და კრავი 3.56

6. ლომი და კატა 3.46

7. მტრობა 3.40

8. ბატი ტასიკო 2.67