აღსრულების ეროვნულ ბიუროში ვებგვერდის და ლოგოს პრეზენტაცია გაიმართა

აღსრულების ეროვნული ბიუროს 2 წლისთავთან დაკავშირებით დღეს, ახალი ლოგოსა და ვებ-გვერდის (www.nbe.gov.ge) პრეზენტაცია გაიმართა.

როგორც ~ინტერპრესნიუსს~ აღსრულების ეროვნული ბიუროდან აცნობეს, იუბილესთან დაკავშირებით დაგეგმილ ღონისძიებას აღსრულების ეროვნული ბიუროს თავმჯდომარე, ჯაბა ებანოიძე და მისი მოადგილეები, ქეთევან კვინიკაძე და ერეკლე ღვინიანიძე, თბილისის სააღსრულებო ბიუროს უფროსი, ნიკა მელია და ბიუროს სხვა თანამშრომლები დაესწრნენ.

შეხვედრაზე აღსრულების ეროვნული ბიუროს ხელმძღვანელებმა გასული წლის საქმიანობის შედეგები შეაჯამეს და სამომავლო გეგმებზე ისაუბრეს.