ზურაბ ვაზაგაშვილის ოჯახის ადვოკატებმა პრესკონფერენცია გამართეს
სპეცოპერაციის შედეგად მოკლული ზურაბ ვაზაგაშვილის ოჯახის ადვოკატებმა დღეს პრესკონფერენცია გამართეს. .
როგორც ზურაბ ვაზაგაშვილის ოჯახის ერთ-ერთმა ადვოკატმა გაგი მოსიაშვილმა განაცხადა, ზურაბ ვაზაგაშვილის გარდაცვალებიდან თითქმის 5 წლის შემდეგაც საქმე გამოუძიებელია. ვაზაგაშვილის ოჯახმა და ადვოკატებმა საქართველოში სამართალს ვერ მიაღწიეს. მისი თქით, მათ ერთადერთი ევროსასამართლოს იმედი აქვთ, სადაც განაცხადია შესული.
გაგი მოსიაშვილის თქმით, საქართველოში უზრუნველყოფილი არ იყო სამართლიანი სასამართლო, ასევე გამოძიება სუბიექტურად წარმიართა, მტკიცებულება ბევრი არსებობდა, იყვნენ თვითმხილველები რომლებიც ადასტურებდნენ, რომ სპეცოპერაციის დროს გაფრთხილება არ იყო და ადგილზე ლიკვიდაციის მითითება გაიცა.
”საქმე ევროსასამართლოს წარმოებაშია მიღებული და იმედი გვაქვს, რომ უახლოეს დროში ობიექტური დასკვნა დაიდება”, - განაცხადა გაგი მოსიაშვილმა.
ადვოკატთა ასოციაციის თავმჯდომარის, ზაზა ხატიაშვილის განცხადებით, ზურაბ ვაზაგაშვილის მკვლელობა სააკაშვილის რეჟიმის მხრიდან ჩადენილი ვანდალური ფაქტია.
”ამასთან დაკავშირებით სამოქალაქო საზოგადოებამ უნდა გამოხატოს თავისი მწვავე და კრიტიკული დამოკიდებულება, წინააღმდეგ შემთხვევაში სააკაშვილის რეჟიმი ყველა ადამიანს სახლში შეუვარდება”,-განაცხადა ხატიაშვილმა.
ზურაბ ვაზაგაშვილი თბილისში, კორტებთან 2006 წელს ჩატარებული სპეცოპერაციის დროს მოკლეს.
v-if="article.gallery" v-html="article.gallery"
